Berasai amat pengelelak udah bekau nemuai ngagai Mukah(bemalam semalam) udah nya pulai ke Bintulu (bemalam ga semalam) alu ngagai Miri ga sarinya. Baru pulai di Bintulu baru lemai kemari. Batuk enggau rengak baru ka gerai. Bendar amat berpuasa enda enggau orang makai enchaluk enggau belacan laban nanggi ka batuk makin nyadi. Ngirup ai suam enggau ai asam jawa aja meh ngica ka 'gear box' aku jampat gerai.
Becerita ngenang penemuai aku ngagai Mukah sarinya, laban ka baru terubah ia kin aku dibai bejalai ngagai Kuala Igan, Oya enggau Dalat. Maioh alai endur ngetu. Menua din sigi endang glamour enggau sagu, nyadi sepanjai jalai nuju ke Dalat, Oya enggau Kuala Igan endang pun mulong magang tumbuh tisi jalai. Bisi mega aku meda rumah burung lelayang maioh digaga orang tisi jalai. Maya ka ngetu ba pasar Mukah aku alu ngambi peluang bebeli ka kuih-muih tradisional baka kuih redam (correct me if I'm wrong, enda entu nemu nama kuih ka chelum-chelum belubang nya), kuih bangkit, biscuit batang buruk, kuih bahulu, serta maioh agi kuih ka bukai. Semua dijual enggau rega seringgit sepikit. Tang minta sorry laban enda sempat ka ngambar bala kuih, bedau sempat ka ngambar udah 'embeh' kena ngirup lemai lebuh aku nemuai ke Miri sarinya. Semina mulong aja ka sempat digambar aku. Lemai nya kami sebala alu gelumu makai linut. Sederhana tetapi meriah.. ;)
 |
| Kuala Igan lebuh maya ai laut pasang |
 |
| with Donny |
 |
| Mulong. |
Kena 6th Mac, Bonaventure Barry dibaptish ba Mater Dei Church di Lutong Miri. Aku serta enggau apai enggau indai Bona, serta indai aku empu sama ke gereja nyukung pengawa sida.
 |
| Bona benung nganti turn dibaptish. |
Sebedau aku pulai ke Miri kemari, Indai Mayang bisi ngaga kuih kena kami ngirup pagi. Kuih tu simple aja serta enda beguna ka maioh perengka.
 |
| Kuih apam kukus |
 |
| Tapau McD. Kena muai gian ka ngirup coffee. ;) | | |
|
|
Nuju semua kaban ka megai agama Christian, aku meri selamat nyintu Hari Abu (AshWednesday) saritu. God bless.
